Wednesday 28 December 2011

Dolat Hasil Kerne Ka Wazeefa



















Easy Way To Earn Money
Surah Muzzamil dolat ka khazana he .Apni amdani aur paisay ko berhane aur is main izafa kerne ke liye rozana aik baar ye sorah perh liya karain.

Friday 23 December 2011

Bukhar ka Taweez

Spiritual Treatment Of Fever
Bukhaar(fever) ko theek kerne ke liye Para 7,sorah ambiya ki ayat 69 
aik sada kagaz per likh ker chamre main lapait ker bazo per baandh lain .Ye bohat mujerrib amal he.

Friday 16 December 2011

Mash Ki Daal

Maash ki daal pakane ka tarika manderja zail he.

Ingredients


Mash ki daal                          1kg
Chane ki daal                         Aadha pao
Sabut mirch katti hoe              20adad
Lehsan kata hoa                     Aik adad
Adrak kati hoe                       Dairh chamach
Piaz                                       2 adad
Namak                                  Aik chamach
Cooking oil                            1/4kg
Kali mirch                             1/2chamch


Tarika


 Aik patili main chane ki daal, lehsan,adrak,kali mirch,sabut mirch,namak daal ker 4glass pani daal ker halki aanch per galne ke liye rakh dain . 45minutes baad mash ki daal daal dain jab mash ki daal gal jae to aik choti patili main cooking oil daal ker is main piyaaz brown ker ke daal per daal dain lijiye maash ki daal tayyar he.Salad aur raete ke saath khaen.

Friday 9 December 2011

Jokes In Urdu

Aik     bewakoof  :        Kitni harani ki baat he ke ande mai se choza nikalta he.
Dosra bewakoof  :        Is se bhi harani ki baat he ke choza ande ke ander jata kaisay he.




Fakeer           :    Begum sahiba bhokay ke liye khana he.
Begum sahiba :    He mager we bhoka abhi dafter se nahi aaya.




Tuesday 29 November 2011

Urdu Latifay

Aik larki ke ser per teen baal the wo beauty parlor main jati he wahan ja ker kehti he ke meri chutiya bana do,jab wo chutiya banane lagti he to larki ka aik baal toot jata he, larki kehti he ke chalo mera jora bana do,jab wo jora banane lagti he to larki ka aik baal or toot jata he,larki kehti he ke chalo meray baal khule he rehne do.






Child      ;aaj master sahab ne mujhe saza di thi.
Father    ;kyun.
Child      ;main school late gaya tha.
Father    ;main tum ko school perhne ke liye bhaijta hoon latne ke liye nahain.


Monday 21 November 2011

Aaloo Gosht














Beef with potato pakane ka tarika manderja zail he.


Ingredients


Gosht                1kg
Aalo                  1kg
Piyaz                  1/4kg
Dahi                   1/4kg
Cooking oil         1/4kg
Hara dhaniya       Thora sa
Laal mirch powder   2chamach
Dhaniya power     2chamach
Namak                 1chamach
Haldi                     1/4chamach
Lehsan pisa hoa       2chamach
Adrak katti hoe         2chamach


Tarika


Gosht dho lain, piyaz bareek kaat lain ,hara dhaniya tor ker rakh lain adrak kaat lain ,lehsan pees lain, aaloo cheel ker kaat lain.Cooking oil main piyaz laal ker ke nikaal ker pees lain .Ab oil main lehsan , adrak, namak ,mirch ,pisa dhaniya, haldi aur 1/4glass pani daal ker bhon lain phir gosht daal ker bhon lain aur 4glass pani daal ker gosht galne ke liye halki aanch per rakh dain.Jab gosht gal jae to is main aaloo daal dain jab aaloo gal jaen to is main dahi phant ker aur pisi hoe piyaz daal dain aur teen glass pani daal dain jab salan pakne lage to halki aanch per 5minutes ke liye dam per rakh dain phir hara dhaniya daal dain aur chola band ker dain.Aaloo gosht tayyar he.


Thursday 17 November 2011

Totkay For Hands In Urdu













Hathon ka mail door karna
Hathon ka mail khatam kerne ke liye hands per kalay ke chilke ragrain haath saaf ho jaen ge.

Ungliyon ko lamba karna
Is ke liye rozana is terhan exercise karain aik haath ki ungliyon ko dosray haath ki ungliyon main phansa ker khainchain ye amal baar baar karian.


Hathon ki jhurriyan door karna
Rozana raat ko sone se pehle kisi aala qisam ke lotion ya cold cream haath per malain aur haathon per jazab karain phir tissue paper se haath saaf ker ke so jaen.


Monday 14 November 2011

Raita


 















Raita un dishes main se he jo dosry dishes ke saath khae jati hain.Raeta biryani ,chawal, daal aur sabzi ke saath khaya jata he.Is ko banana bohat aasaan he.Raeta banane ka tarika manderja zail he.


Ingredients


Dahi                              1kg
Kheera                          1adad
Piyaz                             1dali
Hari mirch                     4adad
Aalo (boild)                   1adad
Surkh mirch                   1/2 chamach
Namak                           1/4chamach
Kali mirch (pisi hoe)      1/4chamach
Zeera       (pisa hoa)       1/4chamach


Tarika


Dahi phant lain.Kheera, piyaz hari mirch, aur aalo bareek kaat lain.Tamam cheezain dahi main daal ker mix ker lain. Raeta tayyar he.


Saturday 12 November 2011

Jhaeyaan Door karna














Jhaiyaan khatam kerne ka tarika manderja zail he.
Das tola apple le ker bareek pees lain aur is main do tola haldi mix ker lain aur chand qatray lemon ka ras aur arqe gulab mila ker paste bana lain .Rozana raat ko ye paste chehray per lagaen aur bees minutes baad dho lain chand dinon main jhaiyaan door ho jaen gi.
Rozana dood piya karain.
Shehad ka istamal karian.
Fruit aur juices ka istamal karian.
Fresh vegetables istamal karain.
Zehni dabao se bachain.
Walk kiya karian.


Friday 11 November 2011

Lehsan Ki Chatni
















Garlic sauce biryani aur khichri ke saath bohat achi lagti he aur isko bana bhi bohat asaan he.Aaj aap ko lehsan ki chatni banane ka tarika batatay hain.


Ingredients

Sabut mirch                20adad
Lehsan                       1dali
Namak                       1/2chamach

Tarika

Lehsan cheel lain.Ab lehsan ,sabut mirch aur namak ko sil per pees lain.Ya grinder main grind ker lain.lijiye lehsan ki chatni tayyar he.


Thursday 10 November 2011

Totkay For Dark Circles In Urdu













Aankhon ke siyah halke khatam karne ke liye manderja zail hidaayaat per amal karain.


1..Rozana sotay waqat aankhon ke halkon per almond oil lagaen.
2..Ankhon ke halkon per kheeray ka ras lagaen.
3..Siyah halke zehni dabao se bhi hote hain is liye zehni tension se door rahain.
4..Raat ki pori neend lain.
5..Fruit aur juices ka istamal karian.
6..Fresh vegetables ka istamal karain.
7..Dood ka istamal karian.


Wednesday 9 November 2011

Soji Ka Halwa

















Soji ka halwa pakane ka tarika manderja zail he.

Ingredients

Soji                   1kg
Sugar                 Teen pao
Cooking oil        1/4kg
Mewajaat           Thoray se


 Tarika

Oil garam ker ke is main soji daal dain aur halki aanch per bhonain.Jab soji halki brown ho jae to is main 4glass pani aur cheeni daal dain.Thori dair pakne dain.Phir is main mewajaat mix ker dain.Lijiye Halwa Tayyar he.Dish main nikaal ker paish karain.


Tuesday 8 November 2011

Totkay For Weight Loss In Urdu














Wazan kam karna
Motapa door karne ke manderja zail tarikay hain.
1..Rozana nahar moon warzish karain.
2..Rozana nahar moon chand danay injeer ke khaya karain.
3..Rozana shaam ko walk kiya karain.
4..Rozana rassa tapa karain.
5..Nahar moon pani main lemon ka ras mila ker piya karain.
6..Nahar moon neem garam pani main shehad mila ker piya karain.
7..Dopeher ko khane ke baad aik chamach kalonji khaya karain.
8..Butter,chiknae aur mithi cheezon se perhaiz karan.
9..Bhosi wala aata istamal karian.
10.Qabaz na hone dain.
11.Gosht kam istamal karain.
12.Taza sabziaan istamal karain.
13. Fresh juices istamal karain.
14.Sara din apne chotay chotay kaam khud karain.


Monday 7 November 2011

Shami Kabab



















 Beef shami kabab banane ka tarika manderja zail he.


Ingredients


Gae ka gosht                                         1kg
Chane ki daal                                        1/2kg
Sabut garam masala                              1chamach
Lehsan                                                   Aik adad
Piyaz                                                      1/4kg
Namak                                                   Dairh chamach
Sabut mirch                                            20adad
Hari mirch                                              10adad
Hara dhaniya                                          Thora sa
Adrak                                                      Kati hoe 2chmach
Anday (egg)                                            4adad
Cooking oil                                              1/4kg
Lehsan ki chatni                                      Hasbe zarorat
Raeta                                                       Hasbe zarorat


Tarika


Gosht main sabut mirch ,namak ,lehsan, piyaz aur sabut garam masala aur 4glass pani daal ker halki aanch per pakne ke liye rakh dain.Jab gosht gal jae to is main chane ki daal daal dain.Jab chane ki daal gal jae to pani khushak ker lain.Ab is ko sil per pees lain.Ab is main hari mirch ,hara dhaniya aur adrak bareek kaat ker mila dain.Ab is ke kabab bana ker phante hoe andey main dip ker ke tal lain.Kabab tayyar hain lehsan ki chatni aur raetay ke saath nosh fermaen.


Sunday 6 November 2011

Jhurriyan Door Karna


















Jhurriyon ko khatam kerne ke liye khobani ka goda do chamach, khobani ki giri aik chamach ,aik chamach badam ki giri in sab ko mix ker lain aur paste bana lain.Pehle aankhon ke aas paas badam ka oil lagaen Oper se ye paste laga lain aik ghante baad dho lain .

Jhurriyan door kerne ke liye manderja zail iqdaamaat bhi karain.
1..Tension se door rahen.
2..Rozana morning walk karain.
3..Rozana shaam ko halki phulki chehal qadmi karain.
4..Rozana do glass dood istamal karain.
5..Vegetables ziada istamal karain.
6..Fruit aur juices ka istamal karain.
7..Ager skin dry he to regularly cold cream ya lotion istamal karain.



Saturday 5 November 2011

Zerda(sweet dish)


















Zerda pakane ka tarika manderja zail he.


Ingredients


Rice                                      1kg
Sugar                                    1kg
Cooking oil                           1/4kg
Clove                                    10adad
Zerde ka rang                        2chamach
Khopra ,badam ,piste            Thoray se
Chandi ke waraq                   3 adad


Tarika

Chawal chun lain mewa jaat bareek kaat lain.Chawal obaal ker aik chani main chaan ker pani nikaal ker rakh lain.Aik patili main cooking oil daal dain jab oil garam hojae to longain daal dain 8minutes baad is main thoray se pani main zerde ka rang ghol ker daal dain aur cheeni aur aik glass pani daal ker sheera bana lain jab cheeni ghul jae to is main boiled chawal daal ker achi terhan chamach chala dain jab pani khushak ho jae to mewa jaat daal ker aik dafa chamach chala ker chawal dam per rakh dain 10minutes baad chola band ker dain .Zerda tayyar he dish main nikaal ker oper se chandi ke waraq laga dain.


Friday 4 November 2011

Azmooda Totkay













Azmoda Totkay manderja zail hain.


Aanton ka sertan(cancer) Khatam karna
Kuch arsa khali pait subha shaam 2 chamach zaiton ka tail istamal kerne se aanton ka cancer theek ho jata he.


Pneumonia theek karna
Namonia ke merz main rozana raat ko sone se pehle 2chamch zaiton ka oil istamal kerne se faeda hota he.


Influenza theek karna
Flu ,nazla aur zukaam ke merz main subha shaam aik chamach olive oil istamal karain.


T.B ,tape dik ka merz khatam karna
Ti bi ke mareez ko doctor ki dawae ke saath saath rozana subha dopeher shaam khali pait 2chamach zaitoon ka tail pee lena chahiye.


Thursday 3 November 2011

Chicken Karahi



















Karahi Gost pakane ka tarika manderja zail he.


Ingredients

Chicken                                     1kg
Cooking oil                                 1/4kg
Pisi hoe laal mirch                       Adha chamach
Namak                                       1chamach
Haldi                                           1/2chamach
Sabut laal mirch kuti hoe             Aik chamch
Saabut garam masala                  1chamch
Piyaz                                          1/4kg
Adrak bareek kati hoe                1chamch                                        
Lehsan pisa hoa                          2chamach
Timater                                       1/4kg
Hari mirch                                    8adad
 Dahi                                           1/4kg


Tarika

Cooking oil main zara si piyaz brown ker ke is main lehsan aur dhula hoa chicken daal ker paanch minutes bhonain.Phir is main dahi, laal mirch, namak ,haldi,adrak aur saabut garam masala daal ker achi terhan bhonain.Ab is main  kati hoe hari mirch, baki piya aur timater kaat ker daal dain aur thori dair bhonain.Lijiye chicken karahi tayyar he naan ke saath nosh fermaen.


Wednesday 2 November 2011

Zaitoon Se ilaaj 2















Zakham theek karna(wounds)
Zakham ko jaldi theek kerne ke liye merham main zaitoon ka tail mila lain.Is terhan zakham jaldi theek ho jae ga.


Mirgi ka maraz
Zaitoon ke oil ki malish se mirgi ke maraz main faeda hota he.


Aanton ke zakham
Rozana nahar moon aur raat ke khane se pehle do chamach zaiton ka tail pine se aanton ke zakham theek ho jatay hain.


Maiday ka sertaan(cancer)
Kuch arsa subha shaam khane se pehle olive oil ke do chamach peene se maiday ka cancer theek ho jata he.


Tuesday 1 November 2011

Chanay Ka Pulao


















Chanay ki biryani ya chanon ka polao bananay ka tarika manderja zail he.


Ingredients


Rice                            1kg
Safaid chanay             1/4kg
Piyaz                           1/4kg
Lehsan                        3 chamach
Adrak                          2chamach
Cooking oil                 1/4kg
Zerday ka rang            1chamach
Namak                         Hasbe zarorat ya dairh chamach
Sabut garam masala     2chamach
Raeta                           Hasbe zarorat
Lehsan ki chatni          Hasbe zarorat

Tarika


Safaid chanay chun ker 12 ghantay pehlay pani main bhigo dain.Piyaz bareek kaat lain,lehsan aur adrak pees lain chawal chun lain.Oil main bareek kati hoe piyaz brown ker lain is main lehsan,adrak,namak, garam masala,daal ker bhon lain phir is main chanay aur 4glass pani daal dain aur halki aanch per pakne dain pandran bees minutes main chany gal jaen ge.Ab is main chawal daal dain aur 4glass pani bhi daal dain aur dermiyani aanch per pakne dain jab pani khushak ho jae to zerde ka rang pani main ghol ker chawal ke oper daal dain aur dam per rakh dain.10minutes baad chola band ker dain.lijie chanon ka polao tayyar he raetay aur lehsan ki chatni ke saath nosh fermaen. Ager zerday ka rang dala jae to ye chanon ki biryani he aur ager na dala jae to ye chanon ka polao he.


Monday 31 October 2011

Olive Oil Se ilaaj
















Treatment By Olive Oil In Urdu
Aankhon ki surkhi khatam karna
Zaitoon ke oil ki salae aankh main lagane se aankhon ki surkhi door ho jati he.

Kaan main pani per jana
Ager kaan main pani chala jae to olive oil ke chand qatray kaan main dalain pani nikal jae ga.


Pathon ka darad door kana
Olive oil ki malish kernay se pathon ka darad khatam ho jata he.


Nasoor khatam karna
Zaitoon ka tail nasoor per lagaen to ye theek ho jata he.


Sunday 30 October 2011

Kheer


















Kheer bananay ka tarika manderja zail he.


Ingredients

Milk                     1kg
Sugar                    1/4kg
Rice                       Adha pao
Badam                   Thoray se
Pistay                     Thoray se
Narial                     Thoray se
Chandi ke waraq    3adad


Tarika


Dood ko obal lain aur chawal chun ker dho ker dood main daal ker halki aanch per rakh dain .Tamam  mewa jaat ko bareek kaat lain.Jab chalwal gal jaen to achi terhan ghot lain phir is mai cheeni daal dain.25minutes halki aanch per rakh dain aur musalsal chamach chalen.Ab chola band ker dain kheer tayyar he is ko dish main nikaal lain aur  is ke oper mewajaat(dry fruit) daal dain aur chandi ker waraq bhi laga dain.Aur thandi hone ke liye rakh dain ya garam garam nosh fermaen.


Saturday 29 October 2011

Totkay For Ear In Urdu

















Kaan main pani chala jana
Ager kaan main pani chala jae to ultay paon chalain pani nikal jae ga.

Kaan ka dana ya phinsi khatam karna
Zaiton ke patton ke ras main shehad mila ker kaan main tapkanay se kaan ki phinsi door ho jati he.

Behra pan door karna
Zaiton ke patton ke ras main shehad mila ker kaan main dalne se behre pan main kami aati he.


Kaan ka mail door karna
Zaiton ke patton ke ras main honey mix ker ke kaan main dalne se kaan ka mail bhi khatam ho jata he.


Behte kaan theek karna
Jangli zaiton ke patton ka ras kaan main dalne se kaan ka behna theek ho jata he.


Friday 28 October 2011

Chicken Korma




















Murgh Qorma bananay ka tarika manderja zail he.



Ingredients

Chicken                          1kg
Cooking oil                     1/4kg
Dahi                                1/4kg
Piyaaz                             1/4kg
Lehsan                            2chamach
Adrak                              2chamach
Sabut garam masala        1chamach
Jaefal                               Zara si
Jawatri                             Zara si
Pisa hoa dhaniya             Dairh chamach
Pisi hoe laal mirch           Dairh chamach
Haldi                                2   chutki
Namak                             1   chamach
Naan aur salad                 Hasbe zarorat


Tarika


Gosht dho lain piyaaz aur adrak bareek kaat lain lehsan pees lain.Aik patili main cooking oil daal ker piyaaz brown ker lain aur nikal lain thandi hone per pees ker rakh lain .Ab is patili main lehsan daal ker gosht daal ker thori dair bhonain phir is main dahi ,pisa hoa dhania,laal mirch ,namak,haldi aur jawatri,jaefal adrak aur sabut garam masala daal dain aur pani chushak hone tak bhonain jab tail masalay se alag ho jae to do teen baar aur chala ker is main pisi hoe brown piyaaz daal ker aik glass pani daal dain jab pakne lagay to halki aanch per 10minutes ke liye dam per rakh dain phir chola band ker dain .Lijiye murgh corma tayyar he naan aur salad  ke saath nosh fermaen.


Wednesday 26 October 2011

Zaiton Se ilaaj














Treatment By Olives In Urdu


Hassas jild ke imraz(sensitive skin)
Zaiton ke patton ka araq laganay se hassasiyat se hone walay imraz door ho jatay hain.


Danton ke keeray khatam karna
Zaton ka phal or patton ka ras nichor ker pakaen ke shehad ki terhan garha ho jae  is ko daant per lagaen dant ka keera door ho jae ga.


Nails ke imraz door karna
Zaitun ki guthli pees ker cherbi main hal ker lain is ko nakhun per lagane se nakhun ke imraz khatam hojatay hain.


Daant ka darad khatam karna
Zatun ke patton ko sirke main josh dain neem garam hone per kulliyan karain daant ka darad door ho jae ge.


Ziada pasina aana
Zaiton ke patton ko ghot ker laganey se pasinay ki shiddat main kami aati he.


Motia ka ilaaj
Zaitoon ke tail ki salae aankh main laganay se motiya khatam ho jata he.


Monday 24 October 2011

Chicken Biryani
















Murghe Ki Biryani

Ingredients

Rice                              1kg
Meat                             1kg
Cooking oil                   1/4kg
Garam masala sabut     2 chamach
Namak                          1 chamach
Adrak                            1chamach
Lehsan                            1chamach
Piyaaz                            1/4kg
Dahi                               1/4kg
Zerday ka rang               2chamch
 Dahi                              Raetay ke liye
Lehsan ki chatni            Hasbe zarorat

Tarika

Chawal chun lain gosht dho lain dahi ka raeta bana ker rakh lain.Oil main thori si piyaz brown ker lain.Ab is main adrak, lesan aur piyaz pees ker daal dain aur gosht daal ker thori dair bhonain phir dahi, sabut garam masala aur namak daal dain aur achi tarhaan bhon lain.Phir chawal dho ker daal dain.Aur 6 glass pani daal ker aanch taiz ker dain jab pani khushak ho jae to zerday ka rang pani main ghol ker chawal per daal dain aur dam per rakh dain.15 mint baad chola band ker dain chicken biryani tayar he raetay aur lehsan ki chatni ke saath nosh fermaen.


Friday 21 October 2011

Totkay For Nails In Urdu
















Nakhun lambay karna
Nakhun lambay kerme ke liye rozana nails per lehsan mala karain.


Nakhun ki kharab rangat theek karna
Bhains ke dood main chand drop lemon ke daal dain phir is main nails dip ker lain nakhun ki rangat theek ho jae ge.


Nakhun ka totkan
Aik tola pisi hoe phitkari main aik lemon ka ras mila lain is paste ko roi ki madad se nails per lagaen chand dinon main nakhun totna band ho jaen ge.


Wednesday 19 October 2011

Totkay For Lips In Urdu















Honton ki khushki khatam karna
Is maslay ke liye rozana raat ko glasreen lagaya karain.


Honton ki siyahi khatam karna
Chukander baareek kaat lain aur is ko honton per malain.


Motay hont patlay karna
Phitkari bareek pees ker is main arqe gulaab mila lain aur honton per lagaen chand dinon main hont patlay ho jaen ge.


Hont khobsorat karna
Honton ko khobsurat bananay ke liye rozana raat ko dood main zafraan mila ker pi liye karain.


Phatay hont theek karna
Terboz ke kachay beej leker pani ke saath pees lain aur raat ko honton per laip ker lain chand dinon main hont theek ho jaen ge.


Hont gulabi karna
Honton ko gulabi kernay ke liye rozana raat ko sotay waqat honton per zafran laga liye karain.


Monday 17 October 2011

Facial Ka Tarika
















Gher ka facial
Gher main facial Karnay ka tarika manderja zail he.


Ingredients
Cold cream or lotion
Chanay ka aata  1  chamach
Lemon ras          1  lemon
Badaam              4 adad
Dood                  Thora saa
Mutani matty       1 chamach
Shehad                2 chamach
Zaitoon ka oil      1 chamch


Tarika


1.   Cleansing
Is ke liye gher main mojood kisi bhi cold cream se chehray aur gerdan ka nermi se masaaj karain.Phir tissue paper se chehre aur gardan ko saaf ker lain.Is se tamam mail aur murda khuliyon ka khatma ho jata he.


2.    Facial Masaaj
Aik chamach chanay ka aata, aik adad lemon ka ras,aur chaar badaam ka chora ker ke dood main mix ker ke chehray aur gardan per halkay haathon se masaaj karain .Das minute baad dho lain.


3.     Face Mask
Multani matty aik chamach ,Shehad do chamach aur zaitoon ka oil aik chamch  ko achi terha mix ker ke chehray aur gerden per laga lain.Das minute baad ye mask khushak ho jae ga ab chehray aur gerdan ko dho lain.Mask ke doran batain kernay se perhaiz karain.
Is facial se aap ka chehra nikhra nikhra ,sehat mand,tarotaza aur chamakdaar hojae ga.


Saturday 15 October 2011

Latifay In Urdu

Aik doctor ne mareez ke pait ka operation kiya to dhaga under reh gaya ,usay nikalnay ke liye operation kiye to kanchi under reh gae dobara koi aur chees under reh gae ,mareez ne kaha ke doctor sahab meray pait main zip laga dain kholne aur band kernay main aasani ho gi.


Aik bachay ko paper main sawal aya ke sabit karain ke zameen gole he ,bachay ne likha enak laga ker dekh lo zameen gole he,teacher ne paper check kerte waqat likha enak laga ker dekh lo zameen gole he.


Friday 14 October 2011

Rang Gora Karna

Skin whitening,gori rangat, yani chehray aur badan ka rang nikharne ke liye manderja zail hidayat per amal karain.










     
     
     
  1.  Rozana subha shaam aik apple khaya karain.
  2. Raat ko pori neend liya karain.
  3. Halki phulki walk kiya karain.
  4. Fruit aur juices ka istamal karain.
  5. Zehni tention se door rahain.
  6. Akhroot ke tail main kerwe badaam pees ker jild per malnay se rang saaf ho jata he.
  7. Pani main lemon ka ras aur namak mila ker nahanay se skin ka rang nikher jata he.
  8. Do chamach dood main aik chamach pisa hoa namak milaen aur chehray per lagaen chehray per chamack pada hogi.
  9. Pani ziada se ziada pien.


Wednesday 12 October 2011

Totkay For Skin In Urdu


















Chikni jild theek karna(oily skin)
Haftay main aik baar kelay ke paste main chand qatray lemon ras ke mix ker ke chehray per lagaen aur do ghantay baad dho lain.


Khushak jild theek karna(dry skin)
Is ke liye rozana raat ko sotay waqat glasreen lagaya karain.


Rangat gori karna(skin whitening)
 Is ke liye pisi hoe kalonji 30grams,arqe gulaab
50grams,glasreen50grams,aur lemon ka ras50grams in sab ko mix ker ke lotion sa bana lain aur mehfooz rakhain ye lotion subha shaam chehray per lagaen is se skin ki dosri problems bhi theek ho jaen ge.

Keel,mohasay,kharish,pimples,daad(skin disease)
Tamam jildi imraaz ke liye bari ilaechi ,kalonji aur khushak podina 50 ,50 grams pees ker safoof bana lain ye safoof din main teen baar khanay se pehlay aadha chamach pani ke saath kha liye karain aik maah tak.


Tip
Skin ko healthy rakhnay ke liye pani ziada se ziada piya karain germion main kam azkam aath glass aur serdion main paanch glass.


Monday 10 October 2011

Totkay For Eye In Urdu













Nazer taiz karna
Sonf aur shaker ko mila ker rozana khanay se benae taiz ho jati he.


Ankhon ki surkhi door karna
Bakri ke dood main roe ka tukra bhigo ker aankhon per rakhnay se aankhon ki surkhi door hojati he.


Palkain lambi karna(long eyelashes)
Dood ko garam kerkay is main falaleen ke kapray ko bhigo ker nichor ke aankhon per rakhain jab kapra thanda ho jae to dobara ye amal dohraen is terhaan chaar baar karain  chand dinon main palkain lambi aur aankhain khobsorat hojaen gi.


Bhawain ghani karna(thick eyebrows)
Rozana sotay waqat bhawon per serson ka tail lagaya karain.


Aankh main palak ya koi zarra per jana
Aik khulay moon ka bertan lain is main pani bher lain is main aakh daal ker kholain aur band karain jo cheez gae he nikal jae ge.


Ankhon ki kharish
Ankhon main do drop arqe gulaab ke daal lain.

Ankhon se pani aana
Is ke liye khalis arqe gulaab aankhon main dalain.


Motya ka ilaaj(cataract)
Ager ibtadai motia main rozana aankhon ko khalis arqe gulaab se dho ker khalis shehad ki aik aik salae aankhon main lagae jae to motia khatam hojata he.

Saturday 8 October 2011

Totkay For Face In Urdu















Chehray ka Rang gora karna
Taza neem garam dood se chehray ko dhone se rang gora ho jata he.


Chehray ko khobsorat karna
Raat ko sonay se pehle garo ko pani main hal ker ke is main chand drop kalonji ka oil mila ker chehray per mal lain subha neem garam pani se dho lain.


Chehray ke danay khatam karna
Is ke liye kali mirch gharay per ragrain is paste ko rozana chehray per lagaen.


Chehray ke daagh dhabay(nishaan) door karna
Rozana pani main do chammach shehad mix ker ke pi liya karain daagh dhabe door ho jaen ge.


Chehray ka phola pan door karna
Is ke liye rozana khanay ke saath thori si adrak khaliya karain.


Wednesday 5 October 2011

Totkay For Teeth And Gum In Urdu

















Daant ka darad khatam karna
Ager daant main darad ho to paanch adad clove daanton ke dermiyaan rakh lain aur baar baar jo resha aaye use thooktay jaen daant ka darad door ho jae ga.


Daanton ka mail door karna
Is ke lye namak aag main jala ker bareek pees lain is main chand drops kalonji aur serson ke oil ke mix ker lain aur is ko daanton per malain.


Daanton se khon aana(bleeding gums)
Is maslay ke liye anar ke phole le ker baareek pees lain is main namak mila ker manjan bana lain is ko rozana daanton per lagaen.


 Daant chamkana
Lemon ka ras nikaal ker tooth brush is main dip ker ke rozana  daant saaf karain daant motiyon ki terhan chamaknay lagain ge.


Mass khora
Ye merz us waqat hota he jab ziada waqat pait khali rahe lehaza apnay pait ko baaran ghanton se ziada khali na rakhain.


Daanton ke keeray khatam karna
Chambeli ke pattay pani main boil ker lain is ko nithaar lain aur rozana is neem garam pani se kulli karain daanton ke keeray khatam ho jaen ge.


Daanton ka hilna rokna
Is ke liye serson ki khali ko pani main obaal lain jab neem garam reh jae to is pani se kulliyaan karain.


Masoron ki sojan
Is ke liye kalonji aur clove ka oil aik aik drop mila ker lagaen.